Zizur Nagusiko Udalak Sarastigorri Haur Eskola berriko 72 familiei jakinarazi die obren aurrerapena eta hezkuntza proiektua
Zizur Nagusiko Udalak bilera egin du gaur Sarastigorri Haur Eskola berrira joango diren seme-alabak dituzten 72 familiekin, obren egungo egoeraren berri emateko eta ikastetxe berriaren hezkuntza-proiektua aurkezteko.
Zizur Nagusiko alkateak, Jon Gondanek, ongietorria eman die familiei, eta azaldu du bileraren helburua eskola amaitzeari eta abian jartzeari buruzko informazioa zuzenean helaraztea dela, baita ikastetxean garatuko den hezkuntza proiektua ezagutaraztea ere.
Obrei dagokienez, Gondanek Udalaren poztasuna azpimarratu du, seme-alabentzako hezkuntza-baliabide berri hau aukeratu duten 72 familien eskaerari erantzun ahal izateagatik. Era berean, adierazi du ez dela obra erraza eta urtebete baino gutxiagoan egin ahal izan dela.
Bileran, alkateak lanen egungo egoeraren, obra amaitzeko prozesuaren eta haur eskolako ekipamenduaren berri eman du. Zentzu horretan, azaldu du datorren astean Udalak obraren harrera egitea aurreikusten dela, martxan jartzeko beharrezkoak diren baldintza arkitektonikoak eta hezkuntzakoak betez.
Udalak Sarastigorri Haur Eskola irekiko du abuztuaren 31rako. Aldi berean, Udalak Nafarroako Gobernuko Hezkuntza Departamentuarekin koordinatuta jarraitzen du, hitzarmena irekitzeko eta formalizatzeko espedientean aurrera egiteko.
Bestalde, Sarastigorri Haur Eskolako zuzendari Sheila Echarrik ikastetxeko hezkuntza-proiektua aurkeztu die familiei, ordutegien berri emateaz eta eskola martxan jartzeko beharrezkoa den informazio guztia emateaz gain, eta “eskola zoragarria” dela nabarmendu du.
Saioak, halaber, haurren harrerarekin zerikusia duten alderdiak lantzeko balio izan du, datorren abuztuaren 31n ikastetxera sartzeari begira, familiei etapa berri honi berme guztiekin aurre egiteko beharrezko informazioa eskainiz.
