Zizur Nagusiko Udalak laster Udaltzaingo Laguntzaileen kontratazio zerrenda osatzeko hautaketa prozesu bat aterako du
Zizur Nagusiko Udalak aurreikusita dauka datozen asteetan hautaketa-prozesu bat deitzea, udaltzain laguntzaileen kontratazio-zerrenda bat osatzeko. Nafarroako Segurtasun eta Larrialdi Eskolak (ESEN) gaitutako lanbide profil honek Udaltzaingoari laguntzeko eginkizunak betetzen ditu, hala nola ondasunak eta zerbitzuak zaintzea, trafikoa antolatzea eta herritarren segurtasuneko eta babes zibileko zereginetan laguntzea.
Hautaketa prozesuan parte hartu ahal izateko, ezinbestekoa da izangaiak aldez aurretik gaituta egotea ESENen. Honako baldintza hauek bete behar dira: Espainiako nazionalitatea izatea, DBHko graduatu titulua edo baliokidea izatea, B motako gidabaimena izatea eta funtzioa betetzeko baldintza fisiko eta psikiko egokiak betetzea.
Gaikuntza ikastaroa gainditu ondoren, hautagaiek Zizur Nagusiko Udalaren kontratazio zerrendan parte hartu ahal izango dute. Zerrenda hori etorkizunean udaltzaingoan aldi baterako kontratazioak egiteko erabiliko da.
Deialdiari eta betekizunei buruzko informazio gehiago nahi izanez gero, Nafarroako Gobernuaren orrialde ofiziala kontsulta daiteke: Udaltzaingoko laguntzaileen 2025eko ikastaroa egiteko hautaprobak