2024ko azaroak 15
Zizur Nagusiko sei agente Valentziara joan dira boluntario gisa, segurtasunean laguntzeko
Elkarlanean egindako ahaleginaren baitan, Zizur Nagusiko sei udaltzain Valentziara joan dira, herritarren segurtasunerako lanetan laguntzeko. Boluntarioki parte hartzen duten agente horiek Valentziako Generalitateko Barne Zuzendaritza Nagusiaren zuzendaritzapean jardungo dute, beren karguari dagozkion funtzioak betez.
Bertan azaroaren 18ra arte egonen dira, aldi horretan eremuko segurtasuna indartzen laguntzeko helburuarekin. Agenteek 4×4 lur orotako ibilgailu bat eraman dute, behar ziren baldintzetarako egokia, eta beharrezko baliabideekin hornitu dituzte, Zizur Nagusiko Udalak koordinatutako ahaleginean.
Lankidetza honek Zizur Nagusiko Udaltzaingoak segurtasun publikoarekin duen konpromisoa islatzen du, baita administrazioen arteko lankidetzaren garrantzia ere. Eragileek profesionaltasunez eta dedikazioz jarraituko dute beren eginkizunak betetzen, laguntza-ekimen puntual honen esparruan.