Zizur Nagusiko Osasun Etxeak vaperren arriskuak gogorarazi ditu, Tabakorik Gabeko Munduko Eguna dela eta
Maiatzaren 31 honetan ospatzen den Tabakorik Gabeko Munduko Eguna dela eta, Zizur Nagusiko Osasun Etxeak data hau baliatu nahi du zigarro elektronikoen eta vaper-en kontsumoari lotutako arriskuak gogorarazteko, bereziki gazteen artean.
Zigarro elektronikoen edo vaper-en erabilera moda izatetik osasun publikoko krisi izatera igaro da Espainian, zapore erakargarriek eta segurtasun-pertzepzio faltsuak bultzatuta.
Kontsumoa larriki kontzentratzen da adingabeengan:
- Nerabeak: 14-18 urteko gazteen % 54,6ak probatu du
- Hasiera goiztiarra: 12 eta 13 urteko haurren % 25.2ak jada probatu du vaperra
- Generoa: Lehen aldiz, neskek mutilek baino gehiago erabiltzen dute ( % 56,8 eta % 52,5a, hurrenez hurren).
Horren guztiaren arrazoia arrisku-pertzepzio txikia da, uste baita ur-lurruna baino ez dela, haren diseinua erakargarria dela eta haren zaporeak tabakoaren zaporearen aurrean duen lehen eragina deuseztatzen duela. Izan ere, gerora tabakoa kontsumitzeko atea da.
Legeak 18 urtetik beherakoei saltzea debekatzen duen arren, legez kanpoko merkatua (Internet eta bazarrak) salmenten % 40-ra igo da jada, adin-kontrolei eta nikotinaren mugei iseka eginez.
Infografia informatibo baten bidez adierazten denez, ez dira kaltegabeak eta ez dute ur-lurruna soilik isurtzen. Gailu horiek nikotina, nitrosaminak eta likidoak berotzearen ondoriozko beste substantzia toxiko batzuk izan ditzakete, horietako batzuk isuri kantzerigenoekin lotuak.
Gainera, osasun-eremutik osasunean izan ditzakeen ondorioez ohartarazten da, hala nola gaixotasun kardiobaskularrak, arnasbideen narritadura edo “EVALI” edo vaperraren gaixotasunadeiturikoarekin lotutako biriketako kalteak. Nerabeen eta gazteen artean kontsumoaren hasieran zaporeak, diseinua edo publizitatea bezalako faktoreek duten eraginaz ere ohartarazi da.
Zabaldutako informazioak produktu horien ingurumen-inpaktuan ere jartzen du arreta, batez ere erabili eta botatzekoak direnean, sortzen dituzten hondakin kimiko, plastiko eta baterien ondorioz.
Osasun Etxeak herritarrak iturri ofizialen bidez informatzera eta bizi-ohitura osasungarriak sustatzen jarraitzera animatzen ditu.
