2020eko apirilak 15
Zizur Nagusiko merkatu txikiko janari postuak ostiral honetan itzuliko dira
Zizur Nagusiko merkatu txikiko janari postuak ostiral honetan, hilak 17, betiko lekura, Idoia plazaren atzekaldera, itzuliko dira.
Bakarrik janariak saltzen dituzten postuak izanen dira: frutak, barazkiak, gaztak, bakailaoa, arraultzak, ozpinetakoak eta pastak.
COVID-19 dela eta, postuak segurtasun, babes eta distantzia gomendioak kontutan izanik jarriko dira. Era berean, eskularru, maskarilak eta babesak erabiltzea gomendatzen da bai saltzaileek bai erosleek.
Hori dela eta, merkatura hurbiltzen den jendeari maskarilak emanen zaizkio, hauek bukatu arte.