Zizur Nagusiko 2026ko Festetako kartel irabazlea “Sonidos de agosto” da, Rafael Pérez Lizasorena
Rafael Pérez Lizasoren “Sonidos de agosto“ kartela izango da Zizur Nagusiko 2026ko Festen irudi ofiziala, Udalak deitutako lehiaketa irabazi ondoren. Proposamenak botoen % 39 lortu du, eta herritarrek aukeratu dute 2026ko abuztuaren 26tik 30era ospatuko diren herriko festak iragartzeko.
Kartel-lehiaketak agerian uzten du, berriz ere, herritarrek festen prestaketan duten inplikazioa, eta aukera ematen die bizilagunei udalerriarentzat urteko gertaera garrantzitsuenetako bat irudikatuko duen irudia aukeratzen parte hartzeko.
Kartel irabazleak hiru musikari bizkarrez erakusten ditu, festetako janzkera tradizionala jantzita, zeru urdin baten azpian, non Zizur Nagusiko elementu esanguratsuenetako batzuen profila marrazten den. Ospakizunetan urtero izaten den festa-giroa eta herri-musikaren soinua ekartzen ditu gogora obrak.
Bozketan, bigarren postua Javier Martínez Pradosen “A nadar en la fiesta“ izan da, botoen % 30arekin. Hirugarren kartelik bozkatuena Elixabet Botanz Veraren “Jaiaren izpiritua“ izan da, % 16rekin, eta Raul Lopez Martinen “Festak“ izan da laugarren, % 15ekin.
Kartel irabazlea, lehiaketara aurkeztutako gainerako lanekin batera, Zizur Nagusiko Kultur Etxean antolatutako erakusketa batean bisitatu ahal izango da. Erakusketa abuztuaren 17tik 30era egongo da zabalik, astelehenetik ostiralera, 8:00etatik 15:00etara.
Eskerrik asko parte-hartzaile guztiei!
1. Sonidos de agosto
