Zizur Nagusia, jasangarritasunaren eredu Nafarroako 200 alkate baino gehiagoren aurrean
Zizur Nagusia Nafarroa osoko 200 udal ordezkariren baino gehiagoren topagunea izan da asteazken honetan, urriaren 22an, Nafarroako Klimaren I. Astearen barruan egin den Klimaren eta Energiaren aldeko Alkatetzen Itunaren jardunaldian.
Ekitaldian Jose Mari Aierdi Landa Garapen eta Ingurumen kontseilaria izan da buru, eta Zizur jarri du mapan hiri garapena eta jasangarritasuna uztartzen dituen udalerriaren adibide gisa. Ekintza klimatikoan udalerriek duten lidergoa ere nabarmendu du: 226 udalek bat egin dute konpromiso horrekin, Nafarroako % 80k baino gehiagok. Jardunaldian zehar, hainbat herritako ekintza klimatikoko planak aurkeztu dira, baina Zizurrek ingurumenaren eta energiaren arloan egiten duen lana ere izan da ardatza.
Jon Gondan alkateak eman dio hasiera topaketari, eta azpimarratu du Zizurrek klimarekin duen konpromisoa ez dela “sinbolikoa, benetakoa eta egunerokoa baizik”. Gogorarazi du udalerria izan zela Alkatetzen Itunarekin bat egin zuen lehenetarikoa, eta ordutik, atxikimendu hori politika zehatz bihurtu duela: berdegune gehiago, zuhaitz landaketa berriak, tokiko energia komunitateak bultzatzea eta udal eraikinetan eguzki-plakak jartzea.
“Aldaketa global handiak hemen hasten dira, gure herri eta hirietan. Kontua ez da iragarki handiak egitea, baizik eta sinisten dugunarekin eguneroko koherentzia mantentzea: zaintzen, birsortzen eta egokitzen den udalerri eredu bat “, azpimarratu du Gondanek.
Talluntze parkearen bisita izan da unerik esperokoenetako bat. Bertan, Aierdi sailburuak eta bertaratutakoek Biodibertsitate Uharteen proiektua ezagutu dute, Zizurren espiritua laburbiltzen duen espazioa: suntsitu gabe eraldatzea.
Duela urte batzuk aparkaleku bat proiektatu zen tokian, gaur egun landare autoktonoak, lore polinizatzaileak eta itzala eta bizia ematen duten zuhaitzak hazten dira. Udalak, orduan, ingurunea gehiago errespetatuko zuen irtenbide baten alde egin zuen, mugikortasuna txertatuz berdeari uko egin gabe.
“Errazena asfaltatzea izango zen; zailena zuhaitzak kontserbatzea eta elkarrekin bizitzeko espazio bat sortzea”, azaldu zuen Gondanek bisitan.
Emaitza agerikoa da: arnasten duen parkea, fauna erakartzen duena, airearen kalitatea hobetzen duena eta bizilagunentzat paseatzeko eta elkartzeko leku bihurtu dena.
Gaur Talluntzera hurbildu direnek, ingurumen proiektu bat ikusteaz gain, Zizur Nagusia ulertzeko modu bat ikusi dute: bere jendearen osasunean, ongizatean eta etorkizunean pentsatuz planifikatzen duen udalerri bat.
