Osasun gomendioak bero boladetarako
Uda gerturatzen ari den honetan eta tenperatura altuak iristearekin batera, osasun zerbitzuek hainbat gomendio gogorarazi dituzte beroaren ondorioak saihesteko eta osasuna zaintzeko.
Gomendio nagusien artean daude bero handieneko orduetan kalera ez ateratzea eta ahalegin fisiko handirik ez egitea, batez ere eguerdiko orduetan. Era berean, ura maiz edatea eta otordu arinak egitea gomendatzen da.
Osasun arlotik ere gogorarazi dute komeni dela kafeina, alkohola edo azukre asko duten edarien kontsumoa saihestea, eta freskatzeko dutxak edo ur freskoarekin bustitzea lagungarria dela. Gainera, toki freskoetan egotea eta haizagailuak erabiltzea gomendatzen dute.
Beste neurri garrantzitsu batzuk dira arropa arina erabiltzea, eguzkitako krema eta txanoa janztea, eta inor —ez pertsonarik ez animaliarik— auto barruan ez uztea.
Arreta berezia eskatu dute adinekoekin, haurrekin, haurdun dauden pertsonekin eta gaixotasun kronikoak dituztenekin. Sukar handia, nahasmena edo konorte-galera izanez gero, Osasun Zerbitzuekin harremanetan jartzea gomendatzen dute.
