Ayuntamiento de Zizur Mayor

Itzuli
2025eko abenduak 30

Zizur Nagusiko Lurralde Kontribuzioko Hobarien Ordenantza berria

Foto noticia

Zizur Nagusiko Udalak Lurralde Kontribuzioko Hobariak Arautzeko Ordenantza berria onartu du, 2026ko jardunean zerga honetan murrizketak eskatzeko udalerriko kolektibo jakin batzuei. Ordenantzaren helburua da egoera ekonomiko ahulenean dauden pertsonen eta familien karga fiskala arintzea, hobaria ohiko bizilekua den bizitegi-erabilerako etxebizitzari soilik aplikatuz.

Ordenantzak hobarien sistema erregutua ezartzen du. Hobari horiek berariaz eskatu beharko dira eta higiezin bakar bati aplikatu ahal izango zaizkio titular bakoitzeko eta hobariak ematen diren ekitaldian zehar. Eskabideak aurkezteko epea 2026ko urtarrilaren 1etik 31ra bitartekoa izango da. Epe horretatik kanpo aurkeztutako eskabideak ez dira onartuko.

Onuradunak

Hobaria eskatu ahal izango dute:

  • Familia ugariak.
  • Guraso bakarreko familiak edo guraso bakarreko egoeran daudenak.
  • Kotizazio gabeko pentsioak, bermatutako errenta edo bizitzeko gutxieneko diru-sarrera jasotzen duten pertsonak.

Aurkeztu beharreko oinarrizko dokumentazioa

Eskatzailearen egoeraren arabera, honako dokumentazio hau aurkeztu beharko da:

Familia ugariak edo guraso bakarrekoak:

  • Eskaera sinatua.
  • Familia ugaria edo guraso bakarrekoa dela egiaztatzen duen ziurtagiri, titulu edo txartel ofiziala, urtarrilaren 1eko jardueran.
  • Familia-unitateko kide guztien PFEZaren azken aitorpenaren kopia, edo aitorpena egiteko betebeharrik ez dagoela adierazten duen Foru Ogasunaren ziurtagiria. Halakorik ezean, familiaren diru-sarrera gordinen zinpeko aitorpena, behar bezala justifikatua.

Kotizazio gabeko pentsioak, bermatutako errenta edo bizitzeko gutxieneko diru-sarrera jasotzen duten pertsonak:

  • Eskaera sinatua.
  • Familia-unitateko kide guztien PFEZaren azken aitorpenaren kopia, edo aitorpena egiteko betebeharrik ez dagoela adierazten duen Foru Ogasunaren ziurtagiria. Halakorik ezean, familiaren diru-sarrera gordinen zinpeko aitorpena, behar bezala justifikatua.

Betekizunei, hobari-ehunekoei eta baldintzei buruzko informazio xehatua berri honi erantsitako ordenantzan jasotzen da.

Eskaerak Udalaren Herritarren Arretarako Bulegoan (OAC) eta laster gaituko den Udalaren Egoitza Elektronikoan aurkeztu ahal izango dira. Informazio xehatu guztia, baita baldintzak eta beharrezko dokumentazioa ere, albiste honekin batera doan ordenantzan jasotzen dira.

Deskargatu hemen Lurralde Kontribuzioko Hobarien Ordenantza

Volver arriba