Iruñeak Zizur Nagusiko zentro soziosanitarioa bisitatu du, Nafarroan erreferentea prebentziozko arretan eta autonomia pertsonalean
Iruñeko Udaleko Gizarte Ekintza Sailak Zizur Nagusiko zentro soziosanitarioa bisitatu du gaur. Zentro hau kudeaketa publikoko eta berrikuntzako eredu bat da mendekotasunari arreta emateko eta autonomia pertsonala sustatzeko prebentzio programetan.
Joan den urtarrilean inauguratu zen, eta orientazio eta laguntza zerbitzuak eskaintzen ditu, pertsonek beren bizi proiektuak garatu ahal izan ditzaten. Hona hemen lan ildo nagusiak:
- Eguneroko bizitzako jardueretan esku hartzea, erabiltzaileen autonomia eta independentzia sustatuz.
- Hezkuntzako esku hartzea, aisialdiaren eta hezkuntza eta kultura-jardueren bidez.
- Esku hartze psikosoziala eta psikoafektiboa, funtsezkoa ongizate emozionalerako.
Gainera, zentroak Autonomia Sustatzeko eta Estimulazio Kognitiborako Zerbitzua (SPAP) du, honako hauek barne hartzen dituena:
- Gaikuntza eta terapia okupazionala ariketa fisikoko programekin.
- Estimulazio kognitiboa, narriadura bat atzeratzeko edo gutxitzeko.
- Familia zaintzaileei laguntzea, eguneroko zaintzan dituzten zailtasunen aurrean lagun eginez.
Zizur Nagusiko Udalaren izenean, Piluka García Gizarte Zerbitzuetako, Berdintasuneko eta Aniztasuneko zinegotziak, Maite Artazcoz Gizarte Zerbitzuen arloko buruak, Mertxe Alduan zentro soziosanitarioko zuzendariak eta Andoni Serrano Lehendakaritza eta Funtzio Publikoko zinegotziak parte hartu dute.
