Kirol instalazioen grebari buruzko informazioa
Lehenik eta behin, barkamena eskatu nahi dugu greba eragiten ari den eragozpenengatik.
Udalak bilerak egin ditu bi alderdiekin, eta Nafarroako Udal eta Kontzejuen Federazioa ere haien artean bitartekari lanak egiten ari da, baina ez dago konponbiderik.
Hilabeteko greba mugagabearen ostean, patronalak eta sindikatuek ez dute akordiorik lortu.
– Patronalak (AGEDENA) 2022an eta 2023an urteko % 4,5eko eta 2024an % 3ko soldata-igoerak eta lanaldiaren 2 orduko murrizketa
proposatu zituen.
– Sindikatuek uste dute ez dela nahikoa eta greba mugagabeari eusten diote.
Hilaren 15ean, adibidez, instalazioen plantillaren eragina % 23koa izan zen, baina datu hori aldatu egiten da egunen eta txanden arabera. Kontua da Instalazio Zentralak irekitzeko eta sarbidea kontrolatzeko funtsezko postuak greba egiten ari direla.
Begiraleen kasuan, pertsona bakarrak egin du bat grebarekin, baina erabiltzaileak sartu ezin direnez, herritarrek ezin dute jarduera zuzenik egin.
Udalak bere gain hartu zuen Zerbitzuen Errentamendu Kontratuaren % 6,6ko igoera, baina horrek ez du eragotzi Zizur Nagusiari greba horrek eragitea; beraz, gure lan-ildoa egoera hori ez errepikatzera bideratuta dago, eta bitartean gure atsekabea baino ezin dugu adierazi.
Berriz ere barkamena eskatzen dugu.