El Costurero de Ana-k irabazi du Eguberrietako Erakusleihoen Lehiaketako lehen saria
Astelehen honetan, abenduaren 29an, 14:00etan, Zizur Nagusiko 2025eko Eguberrietako Erakusleihoen Lehiaketaren sari banaketa egin da. Lehiaketa hau Udalak antolatu du, herriko merkataritza bultzatzeko eta egun horietan udalerriko kaleak festa-espirituaz betetzeko.
Epaimahai herrikoiaren balorazioaren ondoren, lehen saria El Costurero de Ana erakusleihoarentzat izan da, 700 €eta 42,98 puntu lortu baititu bere girotasun eta originaltasun bikainagatik. Bigarren saria, 300 €eta 42,83 punturekin, Maite Urbizu Estetika Zentroak jaso du, eta hirugarren saria, 150 €eta 38,99 punturekin, Zizur Farmaziak.
Erakusleiho irabazleez gain, herriko denda eta establezimendu ugarik parte hartu dute lehiaketan, eta sormenez eta herritarren partaidetzaz apaindutako erakusleihoak aurkeztu dituzte. Saltokien inplikazioari esker, Gabonetako giro erakargarria eta parte-hartzailea sortu da bizilagunentzat eta bisitarientzat. Horien artean daude Artea2, Audiozizur Entzumen Zentroa, Los Olmos eta Alejandro Carmona farmaziak, Vidal burdindegia, Gogor Tattoo, Herce ile-apaindegia, Caligrama liburu-denda, El Olmo taberna, Roberto Lechado argazki estudioa eta Zizur Jardín lore-denda.
Gabonetako Erakusleihoen Lehiaketa Udalak argitaratutako oinarrien arabera egin da. Oinarri horietan balorazio-irizpideak, lehiaketaren egutegia eta izena emateko eta erakusteko epeak jaso ziren. Erakusleihoen erakusketa abenduaren 10ean hasi zen eta 2026ko urtarrilaren 7ra arte jarraituko du, eta herri-bozketa abenduaren 15etik 25era bitarte gauzatu da Udalaren webgunean.
Zizur Nagusiko Udaletik parte hartzen duten saltoki guztien dedikazioa eskertzen dugu eta bereziki zoriontzen ditugu egindako lanagatik sarituak izan diren establezimenduak, udalerria edertzen eta tokiko merkataritza jarduera indartzen lagundu baitute Gabon denboraldian.
