DJa zuzenean eta gazteentzako gaueko igerilekua Zizur Nagusiko Summer Pool Partyn
Zizur Nagusian Summer Pool Party bat izango da abuztuaren 21ean, 18 eta 35 urte bitarteko udalerrian erroldatutako pertsonei zuzendutakoa.
Festa Kirol Instalazioetan ospatuko da, 22:00etatik 02:00etara, DJa izango du zuzenean eta igerilekuetara sartu ahal izango da, horregatik, bertaratutakoei gogorarazten zaie bainujantzia eramatea gomendatzen dela, gauean igerilekuaz gozatu ahal izateko.
Doako gonbidapenak Zizur Nagusiko Gaztetxean jaso ahal izango dira, irekiera-ordutegian (astelehenetik ostiralera 10:00-14:00 eta 17:00-20:00 bitarte, eta larunbatetan 10:00etatik 13:30era), abuztuaren 10ean hasi eta abuztuaren 21era arte. Edukiera mugatua denez, Udalak ahal bezain laster jasotzea gomendatzen du. Erroldatutako pertsona bakoitzak gehienez bi gonbidapen jaso ahal izango ditu; bigarrena, berriz, erroldatuta ez dagoen pertsona batek erabili ahal izango du, betiere 18 eta 35 urte bitarteko adina betetzen badu.
Gonbidapenak zenbakituta egongo dira eta txartela sarreran kontrolatuko da. 18 eta 35 urte bitarteko pertsonak bakarrik sartu ahal izango dira.
