Zizur Nagusiko Udala

Webgune honek cookieak erabiltzen ditu, propioak eta hirugarrenenak, zure nabigazioa optimizatu, zure nahietara egokitu eta analisi-lanak egiteko. Nabigatzen jarraituz gero, gure Cookieei buruzko politika onartzen duzu.
2022ko ekainak 6

Aldaketak Aurrekontu Parte Hartzaileen datetan eta hautatutako proposamenen aurkezpena

Foto noticia

Erakundearen sistema informatikoak azken asteetan izan dituen arazoak direla eta, erakundearekin zerikusirik ez duten arrazoiengatik aurrekontu parte-hartzaileen oinarrietan ezarritako epeak bete ezin izan direla kontuan hartuta, Zizur Nagusiko Udalak, Alkatetzaren 471/2022 Ebazpenaren bidez, prozesuko 4. eta 5. faseei dagozkien zazpigarren eta zortzigarren oinarrien datak aldatzea erabaki du, honako hauek ezarriz:

ZAZPIGARRENA: 4. fasea. Proposamenak jendaurrean aurkeztea
Proposamenak udalaren webgunean (www.zizurmayor.es) eta formatu fisikoan (libreta) argitaratuko dira, eta udalerriko udal-zerbitzu guztietan kontsultatu ahal izango dira.
Herritarrek hautatutako proposamenei buruzko zalantzak bidali ahal izango dituzte herritarren parte-hartze arlora, arloaren posta elektronikoaren bidez (participacion.partaidetza@zizurnagusia.eus). Proposamenari buruzko argibideak eskatzen dituzten galderak idatziz erantsiko zaizkio webguneko argitalpenari.
Hautatutako proposamenak aurkezteko fasea 2022ko ekainaren 6tik 2022ko ekainaren 14ra arte egingo da (biak barne).

 

ZORTZIGARRENA: 5. fasea. Herri-bozketa
Botoa emateko unean Zizur Nagusian erroldatuta dauden 16 urteko edo gehiagoko pertsona guztiek eman ahal izango dute botoa. Bozketak online egingo dira, udalaren webgunean jarritako inkesta bidez, eta aurrez aurre, behean adierazitako datetan.
Hiru proiektu bozkatu ahal izango dira gehienez, 3, 2 eta puntu 1eko lehentasun-hurrenkeran, eta guztira puntu gehien lortzen dituen proposamenak irabaziko du.
Online bozketa-fasea 2022ko ekainaren 15etik 2022ko ekainaren 26ra izango da (biak barne).
Bozketa presentziala 2022ko ekainaren 29an eta 30ean egingo da, Zizur Nagusiko Udaletxean, 09:00etatik 13:00etara eta 16:30etik 18:30era.
Online botoa eman duen pertsonak ezin izango du botoa aurrez aurre eman.
Bozketa-fasea amaituta, eta emandako botoak egiaztatu ondoren, 2022ko uztailaren 5ean argitaratuko dira proiektu irabazlea eta proiektua gauzatzeko toki-erakundeak egingo dituen lanak.

 

 

KONTSULTATU HAUTATUTAKO PROPOSAMENAK:

AURREKONTU PARTITZIPATIBOAK 4.FASEA