ZIZUR NAGUSIko
Udala

Zizur Nagusiko etxeek XIX. mendearen bukaerara arte gorde zuten izen euskalduna. Halaber, etxeak, bizi ziren lekuak ematen zien izena bertan bizi zirenei historian zehar, arbasoen usadioari eutsiz. Etxea seme-alabengana pasatzen zen ondare zatiezina zen.
Etxeak kokatuta zegoen lekuaren toponimoaren, etxearen jabearen edo ogibidearen izena hartzen zuen. Horrek garbi erakusten du zenbateraino zen etxea aterpea baino gehiago: bertan bizi zirenei nortasuna ematen zien, etxeari ematen zitzaion izena, bertan bizi zirenek hartzen zuten berbera baitzen, besteak beste: Paternainena, Salbadorena, Dendariena, Espartzarena, Ospitalekoa...